(ВИДЕО) НЕ БИЛЕ СТУДЕНТИТЕ: Колега го удрил српскиот полицаец кој со повреди на окото заврши во болница
Полицаецот пред РТС го удрил колегата.
Српскиот претседател Александар Вучиќ синоќа даде изјава од болницата каде го посети полицаецот Лазар Баќиќ, за кого тврди дека е жртва на судирот меѓу полицијата и студентите кои се судрија пред зградата на РТС во понеделникот вечерта.
Но, на социјалните мрежи се појави видео кое докажува дека полицаец го удрил човекот. Нова.рс пренесува дека Баќиќ, кој бил во цивилна облека, пришол на колона полицајци во полна опрема, при што еден од полицајците во колоната го удрил.
Вучиќ изјави денеска дека Србија е на удар на многумина кои сакаат да ја урнат затоа што економски тргна напред. Тој тврдеше дека деновиве пак ќе има судири.
Откако лани на 1 ноември се урна натстрешница на Железничката станица во Нови Сад и уби 14 луѓе, во Србија има масовни протести. Граѓаните бараат одговорност за случајот и се бесни поради корупцијата.
