ВИДЕО Гори депонијата кај СЦ Борис Трајковски

Попладнево избувна пожар во депонијата кај спортскиот центар „Борис Трајковски“, веднаш покрај хотелот „Александар Палас“ во Скопје.

Противпожарната бригада на Град Скопје е на терен за справување со огнената стихија.

Засега не се пријавени повредени лица, но густ чад се ширеше кон околните објекти и можеше да се забележи уште од далеку.

Причините за пожарот засега не се познати. Се очекуваат повеќе информации по завршување на интервенцијата и увидот од страна на надлежните служби.