В петок почнува собирањето потписи за претседател и пратеници
Рокот за собирање потписи за кандидати за претседател и за кандидати за пратеници започнува во петок на 23-ти февруари и ќе трае до 8-ми март, согласно роковниците на Државната изборна комисија (ДИК).
ДИК на седница донесе Правилник за собирање на потписи, којшто денеска ќе биде објавен на веб – страницата на Комисијата, sec.mk.
Подрачните одделенија на ДИК ќе работат во две смени. Наутро од 8 часот до навечер до 20 часот, додека последниот ден на 8-ми март ќе работат до 24 часот. Потребните документи ќе бидат објавени на веб страната на ДИК и сите заинтересирани ќе можат од таму да ги симнат.
ДИК денеска го усвои и Павилникот за постапување на полицијата за време на спроведување на изборите.
