Ужас во Тетово: Со возило удрил во количка во која имало бебе, а потоа избегал!
Полицијата во Тетово информира дека 15 месечно дете е повредено откако било сместено во количка во која удрило возило.
Возачот при ударот воопшто не застанал и продолжил да вози, односно избегал.
Се работи за возило „Пасат“ со тетовски регистерски таблички.
„Патничко возило „пасат” со тетовски регистерски таблици, удрило во количка во кое седело петнаесет месечно дете, кое на пешачки премин поминало со неговите родители Е.Х. и Ф.Х. од Тетово, и по незгодата напуштило лице место“, велат од СВР Тетово.
Како што велат, веднаш било постапено и по пријавената потрага во 16.30 часот било пронајдено и обезбедено возилото управувано од А.М.(67) од с.Шипковица, за понатамошна постапка.
