Утрово температурите се спуштаат до -18, преку ден сончево со мала облачност!
Наутро многу студено, по одделни котлини со услови за појава на магла. Преку денот сончево со мала до умерена облачност. Попладне ќе дува слаб до умерен ветер од северен правец, поизразен долж Повардарието.
Минималната температура ќе биде во интервал од -18 до -4, а максималната ќе достигне од -3 до 7 степени.
Во Скопје наутро студено, во делови од котлината со услови за појава на магла. Преку денот сончево со мала до умерена облачност. Попладне ќе дува слаб до умерен ветер од северен правец.
Минималната температура ќе се спушти до -10, а максималната ќе достигне до 3 степени.
И во среда времето ќе биде стабилно со ниски утрински температури кои насекаде ќе бидат негативни. Во четврток ќе има локални врнежи со слаб интензитет, а температурите во деновите потоа ќе бидат во постепен пораст. Ќе дува засилен северен ветер.
