Утрово најтопло во Кавадарци, најсвежо во Берово!
Утрово најтопло е во Кавадарци каде се измерени 23 степени, додека пак најстудено е во Берово со измерени 12 степени.
14 степени се измерени во Лазарополе, 15 степени во Крива Паланка, 17 степени во Битола, Попова Шапка, 18 степени во Струмица, Охрид, Претор, Дебар, Маврови Анови, додека пак 19 степени се измерени во Прилеп, Демир Капија.
20 степени се измерени во Скопје-Петровец, Тетово, Штип, Гевгелија, Крушево, 21 во Велес, Куманово, Дојран, и 22 степени во Скопје-Зајчев Рид, Виница.
Во текот на ноќта времето беше претежно ведро, утрово е насекаде сончево и дува слаб до умерен ветер од западен правец поизразен на поголемите надморски височини.
Денеска се очекува сончево и многу топло со мала локална облачност. Ќе дува умерен, наместа засилен ветер кој во западните делови ќе е западен, а вдолж Повардарието северозападен.
Попладне во северните делови ќе има услови за изолирана нестабилност со појава на пороен дожд, краткотрајно и во вид на невреме. Максималната температура ќе биде во интервал од 34 до 42 степени. УВ=10
Во Скопје сончево и многу топло со слаб до умерен ветер од северен правец кој во повисоките делови краткотрајно ќе засилува. Од пладневните часови во делови од регионот ќе има услови за изолирана нестабилност. Максималната температура ќе достигне 39 степени.
