Утре оставки на Ковачевски и на Џафери, во петок избор на претседател на Собрание, во недела техничка влада
На 28. јануари во недела ќе биде закажана седницата за Техничка влада, информираше претседателот на Собранието Талат Џафери.
Утре Џафери и Ковачевски ќе поднесат оставки од функциите претседател на Собранието и претседател на Владата. Џафери ќе биде претсеадтел на техничката влада, додека претседател на Собранието ќе биде Јован Митрески, досегашен координатор на пратеничката група на СДСМ во Парламентот.
Изборот на Јован Митрески ќе се случи во петок. На 27. јануари Џафери до Собранието ќе достави програма и состав на техничката влада. Исто така тој ден ќе се верифицира и мандатот на пратеник кој ќе го заземе местото на Џафери во Собранието.
