Унгарија го блокираше 13-от пакет санкции против Русија

Унгарија го блокираше усвојувањето на 13-тиот пакет санкции на ЕУ против Русија, чие воведување треба да се совпадне со втората годишнина од почетокот на руската специјална воена операција, пишува Фајненшл тајмс.

Амбасадорите на земјите од Европската унија вчера сакаа да одобрат нов пакет антируски санкции, но тоа не можеа да го сторат поради позицијата на Унгарија, објаснува изданието.

„Унгарија беше единствената што гласаше против на вчерашната средба на амбасадорите на ЕУ; „Да не беше таа, ќе беше одобрен пакет санкции за речиси 200 поединци и компании од Русија, Кина и други земји“, пишува ФТ.

Како што изјави за изданието неименуван функционер во Брисел, унгарската страна „не се согласила поради вклучувањето на кинеските компании на списокот“ и побарала „повеќе време за анализа на предлогот“.

ФТ забележува дека обидот за воведување санкции за компании од трети земји веќе беше блокиран од група земји од ЕУ минатата година.

Ако оваа шема биде одобрена сега, Кина и Индија ќе бидат погодени од санкциите што ги воведе Европската унија за прв пат.