Јунајтед „изгоре“ во пеколот во Данска: Копенхаген ги шокира „ѓаволите“ (ВИДЕО)

Натпреварот почна на најдобар можен начин за „ѓаволите“ откако Расмус Хојлунд двапати се најде на вистинското место и двапати ја затресе мрежата на домаќините за предност од 2-0 на Јунајтед.

Меѓутоа по црвениот картон на Маркус Рашфорд сè тргна лошо за гостите за кои следеше пекол во Данска. Копенхаген до крајот на првото полувреме израмни на 2-2 и најави неизвесно второ полувреме.

Бруно Фернандеш од пенал во 69. минута повторно ги врати гостите во водство (3-2), но Копенхаген во финишот тргна на сè или ништо, па така во 83. минута погоди преку Лерагер за 3-3, а потоа 17-годишниот Бардџи го шокира „ѓаволите“ и ги постави конечните 4-3.

Баерн Минхен е прв во групата со 12 бодови, по четири имаат Копенхаген и Галатасарај, додека Јунајтед е последен со три бода.