Украина: Русија изврши напад со балистичко оружје врз Киев
Украинската државна служба за вонредни состојби соопшти дека рано утринава Русија извршила напад со балистичко оружје врз Киев, како последица на што избувнале неколку пожари, а три лица се повредени.
Во соопштението беше наведено дека пожарникарите ги отстрануваат последиците во Дарничкиот, Оболонскиот и Соломјанскиот регион, објави Украинска Правда.
На една локација се урна зграда и се запалија три паркирани автомобили во близина, а пожарот во меѓувреме е изгаснат. Во Оболонскиот регион избувнал пожар во фабрика за мебел, а пламенот се проширил и на друга магацинска зграда, јавува Танјуг.
На друга адреса делумно се урнати третиот, четвртиот и петтиот кат од петкатен деловен центар. Во Соломјанскиот регион имало пожар на отворен простор на некои жаришта и опожарена е фасада на магацинска зграда.
