Украдено возило на АРМ кое било оставено кај автомеханичар
Украдено возило во сопственост на Армијата кое било оставено кај автомеханичар, информираа од полицијата.
Вчера во 08.40 часот во СВР Скопје, С.А. пријавил дека во текот на ноќта на 27/28.04.2025 од неговиот автосервис на подрачјето на Гази Баба било одземено товарно возило „ивеко дејли–фургон“, сопственост на АРМ, а кое било оставено за сервисирање, како и регистарски таблички од патничко возило „мазда“ кое било оставено на сервис.
Од МВР велат дека се преземаат мерки за расчистување на случајот.
