24 години државата не направи никаков споменик каде во 2001 година беа убиени и масакрирани осуммина македонски бранители
Веќе 24 години, државата не направи никаков споменик на местото каде во 2001 година беа убиени и масакрирани осуммина македонски бранители.
Овие храбри мажи, кои ја дадоа својата животна жртва за одбраната на територијалниот интегритет на Македонија, останаа заборавени од институциите.
Во 2001 година, за време на конфликтот во Македонија, осум бранители беа убиени во масакр помеѓу селата Селце и Вејце на Шар Планина во месноста Брезовица.
Убиени беа четворица припадници на воената единица „Волци“ и полицајци при ОВР Битола – Роберт Петковски (27), Игор Костески (26), Миле Јаневски (30), Бобан Трајковски (28), Марјан Божиновски (27), Илче Стојановски (24) Бошко Најдовски (25) и Кире Костадиновски (24).
При овој напад, повредени беа и шестмина припадници на безбедносните сили.
