„УАПСЕТЕ ГО ВУЧИЌ“: Oва го скандираа демонстрантите во Нови Сад
Студенти, средношколци и граѓани на Нови Сад попладнево излегоа на новосадските булевари за да протестираат пред просториите на владејачката Српска напредна странка (СНС) откако синоќа беа нападнати неколку студенти, јави Бета.
Им се придружија земјоделците на трактори, како и голем број мотоциклисти.
Редарите, претежно професори од Универзитетот во Нови Сад, формираа кордон пред просториите на СНС, за да спречат инциденти.
Демонстрантите носат транспаренти „Дијалог“ со илустрација на крвава бејзбол палка како алузија на тепањето студенти и претходниот повик на режимот за дијалог „Доста е крв“, „Сите за еден, еден за сите“, „Бојата ќе се измие, крвта не“ и скандираат „Уапсете го Вучиќ“.
Патријархот на Српската православна црква (СПЦ) рече декa се згрозил кога дознал дека уште еден студент е тешко повреден од почетокот на студентските протести и дека бара одговорност за случајот.
Падна Владата на Србија – премиерот Милош Вучевиќ поднесе неотповиклива оставка, одлука која ја донел поради синоќешниот инцидент во Нови Сад, кога група студенти беа нападнати со безбол палки, а една студентка беше потешко повредена.
На 1 ноември минатата година во Нови Сад се урна натстрешница која уби 14 луѓе и потоа почнаа протестите.
