Уапсен подметнувачот на пожарите во Куманово
Во Скопје, на подрачјето на Бит Пазар, утрово во 01,10 часот, по претходно добиени оперативни информации и координација на СВР Куманово со Одделот за криминалистичка полиција при Бирото за јавна безбедност и СВР Скопје, полициски службеници од Единицата за интервентна полиција при СВР Скопје го лишиле од слобода Ф.А.(35) од Куманово.
МВР соопшти дека тој се сомничи дека на 02.12.2024 во Куманово опожарил три патнички моторни возила и еден деловен објект.
„Ф.А. бил приведен и задржан во Полициска станица Куманово и по целосно документирање на случајот против него ќе следува соодветна пријава“, соопштија од МВР.
Меѓу запалените возила беше она и на обвинителот Џелал Бајрами.
