ТУРБУЛЕНЦИИ ВО КОМПАНИЈАТА НА МАСК: Финансискиот директор на Tesla ненадејно поднесе оставка

Зек Кирхорн, еден од најблиските соработници на Илон Маск во
Тесла, ненадејно поднесе оставка од функцијата главен финансиски директор,
објави Ројтерс.

Ова се
случува во време кога производителот на електрични автомобили се бори да ги
намали трошоците и да ја одбрани својата профитна маржа, по серијата намалувања
на цените.

Кирхорн беше сменет како финансиски директор во петокот, а на негова позиција доаѓа
Ваибхав Танеја, кој беше шеф на сметководството од 2019 година, соопшти
компанијата во официјалното соопштение
објавено вчера.

Сепак, се додава дека Кирхорн ќе остане во Тесла до крајот
на годината, за да помогне во транзицијата.

Заминувањето на Кирхорн следи по „реткиот“ период на
стабилност во повисокото раководство на Тесла, бидејќи во минатото луѓето многу
побрзо ги менуваа лидерските позиции. Зек
Кирхорн помина 13 години во финансискиот сектор во Тесла, а пред четири години
стана главен финансиски директор и оттогаш има различни финансиски пресврти во
компанијата.

ФОТО: YouTube/Tesla