Три пиштоли и 643 куршуми пронајдени кај жител на Батинци – Обвинителството бара притвор
Основното јавно обвинителство Скопје поведе истражна постапка против жител на селото Батинци, кој е осомничен за недозволено поседување и тргување со оружје и муниција. При претрес на неговиот дом, полицијата пронашла три пиштоли и 643 куршуми со различен калибар, наменети за различни видови оружје.
Случајот се води по член 396 од Кривичниот законик, а обвинителството оценило дека постои опасност осомничениот да избега или да го повтори делото. Затоа, до Основниот кривичен суд Скопје е доставен предлог за определување мерка притвор.
Од Обвинителството велат дека количината на запленетата муниција и оружје укажува на сериозноста на случајот, а истрагата треба да утврди дали оружјето било наменето за понатамошна продажба или употреба.
