Трет меч по ред без победа на Жирона, сега виси второто место (ВИДЕО)
Од екипата што му дишеше во врат на Реал, малиот каталонски тим врза три натпревари без победа, па сега не само што има шест бода негатива во однос на лидерот, туку дозволи Барселона да се доближи на само дав разлика, на 13 кола пред крајот на сезоната.
Денеска подобра од Жирона беше Атлетик Билбао кој на домашен терен славеше со 3-2 и го продолжи притисокот за пласман во Лигата на шампионите. Беренгер го отвори резултатот уште во втората минута, но малкумина тогаш помислија дека тоа ќе биде се од првото полувреме.
Второто беше далеку повозбудливо. Во 49. минута израмни Цигамков, но 11 минути подоцна веќе беше 3-1 за Атлетик. Беренгер и Вилијамс искористија две грешки на гостинскиот тим, Ерик Гарсија нешто подоцна намали на 2-3, но Жирона немаше сили да се избори барем за бод. Во финишот создаде неколку стопроцентни шанси за гол, ама мрежата на Атлетик не се затресе по трет пат.
