Трендафилов: На утрешниот протест нема да се делат сендвичи
Протестот на 1 Мај е можност за да го покажеме нашето незадоволство од ниските плати на работниците во Македонија, кои се меѓу најниските во регионот, а ситуацијата е уште посериозна кога ќе ја разгледаме на глобално ниво. Сојузот на синдикатите на Македонија ги повикува сите оние кои се грижат за благосостојбата на работниците да се приклучат на утрешниот протест, изјави претседателот на ССМ, Слободан Трендафилов.
Трендафилов истакна дека кога работодавачите и Владата ќе ги зголемат платите, работниците ќе можат да си купат сендвичи, но и многу други работи за нивните семејства.
-На утрешниот протест нема да се делат сендвичи, изјави претседателот на ССМ.
Трендафилов жали што дел од другите синдикални здруженија прават штета и „кога синдикалци поддржуваат владини политики, тоа секогаш е на штета на работниците“. Критикуваше дека другите синдикати слават Први мај на 30-ти април.
Изминатите години се вртеше скара за Први мај пред Владата. „За работникот ќебап, за вас бифтеци“ пишуваше тогаш на еден од транспарентите на маршот на Конфедерацијата на слободни синдикати што се организираше одделно од протестот на Сојузот на синдикатите на Македонија.
