Трамп не се откажува: Верувам дека ќе го добиеме Гренланд
Претседателот на Соединетите Американски Држави, Доналд Трамп, денеска изјави дека верува оти САД сепак ќе го купат Гренланд од Данска, и покрај инсистирањето на земјата дека нејзината прекуокеанска територија не е на продажба.
„Верувам дека ќе го добиеме Гренланд“, им рече Трамп на новинарите за време на патувањето со претседателскиот авион (Air Force One) од Лас Вегас до Флорида, пренесе АП.
Зборувајќи за односите со Канада, Трамп рече дека земјата „со години ги користи САД“, но дека тоа нема да го дозволи.
