Трагедија во Струга: 40-годишен маж се удави во Охридското Езеро
Тешка несреќа го потресе вчера Струшкиот регион, откако едно лице на возраст од околу 40 години се удави во водите на Охридското Езеро, во близина на АС кампот.
Инцидентот се случил во попладневните часови, кога присутните забележале дека мажот кој влегол во езерото не се појавува на површината подолг временски период. Итно било повикана помош, а неколкумина веднаш се обиделе да го извлечат од водата.
По извлекувањето, следела реанимација од страна на очевидци и брзо пристигнатата медицинска екипа. Но, и покрај сите напори, лекарите ја констатирале смртта на лицето.
