Топло и денеска – можни се слаби врнежи од дожд во западните предели
ЕВРОПА – Во петок во југозападна, јужна и југоисточна Европа како во крајните северни и североисточни предели ќе преовладува стабилно време со локална облачност. Во останатите предели умерено облачно и нестабилно време со врнежи од дожд кои што ќе бидат проследени со засилен ветер. Во северните и североисточните предели студено време со пад на температурите, локално со слаби врнежи од снег.
БАЛКАН – На Балканскиот полуостров ќе преовладува умерено облачно и нестабилно време со врнежи од дожд и релативно топло време за овој период од годината. Во крајните јужни и источни предели преовладува претежно сончево време со локална облачност и топло време. Максималните дневни температури ќе се движат во интервал од 18 до 25 степени.
МАКЕДОНИЈА – Во Македонија во петок ќе преовладува умерено облачно време со сончеви периоди, ветровито и релативно топло време. Локално во крајните западни предели со слаби и локални врнежи од дожд. Ќе дува засилен југозападен ветер кој што ќе достигне брзина и до 30 км/ч. Минималните температури ќе се движат во интервал од 7 до 15 степени, додека пак максималните дневни температури во Македонија утре ќе достигнат до 17 односно до 27 степени.
МАКЕДОНИЈА 5 ДЕНА – Во Македонија во сабота ќе преовладува претежно сончево време со појава на локална облачност, ветровито и топло време. Утринските температури од 8 до 16 степени, додека пак дневните ќе достигнат од 17 до 27 степени. Во недела по свежото утро со температури од 4 до 12 степени, во текот на денот сончево и топло време со дневни температури од 16 до 26 степени. Во понеделник и вторник во Македонија по свежото утро со утрински температури од 3 до 11 степени, во текот на денот ќе преовладува сончево и топло време. Максималните дневни температури ќе се движат од 15 до 25 степени.
