Тинејџерка си ја убила мајка си откако и го земала телефонот: Ја избодела неколку пати во вратот и грбот
Тинејџерка во американската сојузна држава Пенсилванија е обвинета дека ја избодела мајка си до смрт откако и бил одземен мобилниот телефон.
Припадниците на полицијата од локалната станица во Вилкс-Баре, Пенсилванија, во петокот попладне биле повикани да интервенираат по пријава дека една жена не дава знаци на живот, пренесува Newsweek.
По пристигнувањето на местото на злосторството, полициските службеници пронашле жена со повеќе убодни рани во пределот на вратот и грбот, а можеле само да констатираат смрт.
На местото на настанот било пронајдено 11-годишно момче со повреди на грбот нанесени од нож, кои, сепак, не биле опасни по живот, како и 13-годишната ќерка на убиената која е обвинета со убиство.
Според полицијата, девојката на лице место признала дека ја убила мајка си по расправија при која и го одзелa Ајфон-от.
Според полицијата, девојчето изгледало вознемирено и се каело за тоа што го направила.
