Тим дронови се на лице место: Изби пожар во познатата кула во Англија
Во познатата кула Блекпул, во Ланкашир, Англија, денеска избувна пожар и противпожарните служби беа испратени на местото на настанот.
„Противпожарната и спасувачка служба Ланкашир (LFRS) распореди шест противпожарни возила и спасувачки тим“, а присутни се и претставници на локалната полиција, јавува Би-Би-Си. Вработените се евакуирани од кулата.
Очевидци забележале како пламен излегува од метален дел во близина на врвот на познатиот споменик на тоа приморско одморалиште.
„Ве молиме, држете се подалеку од областа. На лице место е тим со дронови, затоа ве молиме да не користите дронови во областа“, им порачаа на жителите од противпожарната служба.
Кулата Блекпул е изградена во 1894 година и е висока 158 метри. Инспириран од патот до Париз, тогашниот градоначалник на Блекпул, Бикерстеп, сакал во својот град да изгради нешто како Ајфеловата кула, јавува Би-Би-Си.
