ТЕШКИ СЦЕНИ ОД ПОГРЕБИТЕ ОД БЕЛГРАД, ЗАСКОГАШ ЗБОГУМ ОД ЖРТВИТЕ НА КОСТА И УРОШ: Неми се простуваат од убиените деца
Денеска се
одржуваат погребите на 10-те жртви
од двете невидени злосторства што се случија во Србија во текот на два дена.
Во Белград четворицата ученици и училишниот чувар кои беа
убиени во масакрот во ОУ
„Владислав Рибникар“, од страна на
Коста Кевцмановиќ, исто така ученик во тоа училиште, ќе бидат испратени
во вечното почивалиште. Во Мали Орашје денеска беа погребани петмина млади
момчиња, кои беа убиени во масакрот кај Младеновац од страна на Урош Блажиќ.
На гробиштата
Лешча беше погребан обезбедувачот Драган Влаховиќ, кој трагично загина на 3. Мај.
Го испратија стотици луѓе, меѓу кои сегашни и поранешни ученици кои дојдоа да
се простат од Драган.
Тој беше
популарен меѓу учениците и вработените во училиштето во кое работеше како чувар.
Девојчето А. Б е
исто така погребано, а денеска требаше да го прослави 14-тиот роденден. Таа на
3.мај беше една од дежурните ученички која заедно со Драган беа првите жртви на
Коста.
-Ова мало
девојче не го живееше својот живот за да можеме да зборуваме за нејзините дела
и вредности што ги правеше во животот, таа само зачекори во животот без да се
сомнева во ништо. Денес треба само да плачеме и да молчиме, а сепак не смееме
да молчиме пред злото, треба да се трудиме да го спречиме да се размножи. Треба
да плачеме по деца кои не го ни почувствувале животот, а излегуваат од него –
свештеникот одржа говор на погребот на девојчето К.М.
Повеќе од 200
луѓе се собраа и пред капелата на Новите гробишта за да го испратат девојчето
К.М. (14) која беше убиена од луд на часот по историја.
На белградските
гробишта денеска беше погребан К.М. (14) во 11:30 часот на Нови гробишта, Е.К.
(14) во 12:00 часот на Централните гробишта, А.Д.(14) во 14:45 часот на гробиштата
Нови Бежанија, М.А. (14) во 15.30 часот на Нови гробишта и Драган Влаховиќ (51)
во 12.00 часот кај Лешче.
Во Мали Орашје погребите
на петтемина другари ќе бидат извршени во 14 часот на градските гробишта.
Граѓаните на
Србија се неми поради две страшни трагедии кои се случија една по друга, во кои
на најбрутален начин засекогаш згаснаа 17 животи, речиси сите-деца.
FOTO. EPA
