Тешка несреќа во тунелот кај Катланово, загина мотоциклист!
Попладнево се случи тешка сообраќајна несреќа во тунелот кај Катланово во која загина мотоциклист.
Тој управувал мотоцикл со унгарски таблички.
Сопатникот на мотоциклот е пренесен во Ургентниот центар во Скопје.
„Во 16.55ч пријавено е дека во тунелот кај Катланово во правец од Велес кон Скопје, се случила сообраќајна несреќа во која учествувале товарно моторно возило и мотоцикл со унгарски таблички. Едно лице, кое се превезувало на мотоциклот починало, а другото, исто така се превезувало на мотоциклот, е пренесено во Ургентен центар Скопје“, велат од МВР.
Овој дел од автопатот е целосно затворен за сообраќај , а сообраќајот од клучка Велес кон Св.Николе се пренасочува кон автопатот Штип-Скопје.
