Терестрична дезинсекција против комарци од понеделник до четврток
Градот Скопје ги известува граѓаните дека на 21.07.2025 година (понеделник), ќе започне терестричната дезинсекција на подрачјето на градот Скопје, против возрасни форми и ларви од комарци.
Терестричната дезинсекција ќе се врши од 21.07.2025 година (понеделник) до 24.07.2025 година (четврток), од 22 до 03 часот следниот ден.
Доколку временските услови не го дозволуваат вршењето на дезинсекцијата, истата ќе се изврши во истиот термин првиот нареден ден, кога временските услови ќе бидат поволни.
Се известуваат пчеларите навремено да ги преземат потребните мерки за заштита на пчелите.
