Таткото на Вања делува на лабилна личност, оценува професорката Николоска
Професорката од Факултетот за безбедност Светлана Николоска во гостување во „Клик Плус“ на ТВ21 вели дека, за случајот со убиството на Вања и на Панче, не верувала дека татко може да го издаде своето дете, меѓутоа се сомневала кога ги видела кренатите палци на таткото.
– Човек кога е во долг и кога има притисок, не знае како да реагира, новерувам дека никој не може да го издаде своето дете за некој да го убие. Можеби си помислил дека нема да се случи ништо, туку дека само малку ќе ја подуплашат мајката и ќе ги даде парите. Таткото имал претходни релации со главниот осомничен, и во неговата глава е да го заштити своето дете, а не да го даде. Но, она што го видов, таткото лајкува кон новинарите, и тоа ме враќа да се посомневам на неговата психичка состојба. Дали е можно таткото да го жртвува своето дете, дали може да дозволи неговото дете да биде киднапирано се со цел да ги елиминира долговите, рече Николоска, која подоцна во емисијата кажа дека таткото на Вања делува на лабилна личност.
– Кај нас нема смртна казна за вакви дела, туку доживотен затвор. Убијците многу траги оставиле. Некогаш и професионалци убијци оставаат траги, а овие се далку од професионалци. Требало да им стане јасно дека ќе бидат откриени, дека оставиле многу траги, изјави Николоска.
Таа кажа дека е многу чудно што осомничениот Палчо бил фатен како оди пеш на автопат.
