СВЕТСКИ ГИГАНТ ПОТФРЛИ ВО ПРОДАЖБАТА НА ЛЕТНА ОБЛЕКА: Ова е причината

Шведскиот бренд
H&M (Hennes & Mauritz), забележа послаб раст на продажбата во вториот
квартал поради – како што велат – студеното време.

Продажбата во
вториот квартал, од 1 март до 31 мај, во однос на истиот период лани, е
зголемена за шест отсто, на 57,616 милијарди шведски круни или околу 4,95
милијарди евра, објавено е на веб-страницата на компанијата.

Пазарите, сепак,
очекуваа зголемување на продажбата од седум отсто од година во година,
пренесува Ројтерс, но продажбата во вториот квартал беше под влијание на
неповолните временски услови на неколку големи пазари на групацијата H&M“,
се додава во соопштението на шведската компанија. Инаку, нејзиниот најголем
пазар е Германија.

Во исто време,
H&M објави дека е „задоволен од првите резултати од јунската продажба“.
Целосните резултати за вториот квартал ќе бидат објавени на 29 јуни.

ФОТО: EPA