СТРУМИЧАНИ ЌЕ ДОБИЈАТ СВОИ ВЕРО И ЏАМБО – огромен објект од 5.000 метри квадратни ќе се гради во Струмица
Струмичани ќе добијат свои Веро и Џамбо.
Оваа вест на својот фејсбук профил ја објави струмичкиот градоначалник, Костадин Костадинов, кој вчера му го предал одобрението за градба на сопственикот на компанијата Веропулос, Николас Веропулос.
Практично, во северниот дел на градот ќе никне огромен објект на површина од 5.000 метри квадратни.
„Нова директна странска инвестиција! Аирлија мои струмичани, познатите брендови Веро и Џамбо ќе ги имаме и во Струмица! Денеска му го предадов одобрението за градба на сопственикот на компанијата Веропулос, Николаос Веропулос. Инвестицијата изнесува три милиони евра, а ќе се реализира во северниот дел од градот во новопланираната станбена зона покрај магистралниот пат на излезот од Струмица кон Василево.
Во новиот Веро маркет и продавницата Џамбо ќе се вработат 70 наши сограѓани.
Трговскиот објект со супермаркет ќе има современа архитектонска градба и атрактивен облик на површина од 5.000 метри квадратни. Веро е еден од најуспешните продажни синџири во трговијата на мало на Балканот. И во време на голема криза нашата Струмица е препозната Општина за нови инвестиции“, пишува Костадинов на својот фејсбук профил, објавувајќи и фотографии од предавањето на Одобрението за градба.
