СТОТИЦИ СЕЛА СЕ ОТСЕЧЕНИ: Снежната покривка во источна Турција достигна 10 метри

Снежната покривка во источна Турција достигна 10 метри. Поради лавина затворен е патот меѓу градовите Чукурџа и Јуксекова. Стотици села се отсечени.  Само во областа Битлис нема пристап до близу 150 населени места, а екипите се обидуваат да го исчистат снегот длабок четири метри од патиштата. Многу населени места во окрузите Ван, Хакјари и Муш се отсечени. 

На многу места се формираше снежна покривка со висина од десет метри, јавува денеска турската приватна телевизија НТВ. Во источна Анадолија ноќните температури се приближија до минус 30 степени. Најниската измерена температура беше од областа Ардахан, каде во градот Чајлдер живата на термометрите покажа 31 степен под нулата. Поради студеното време на патиштата во околината има голомразица. Во областа Агра температурата достигна минус 23 степени. Во Хакјари снежните наноси од десет метри целосно ги затрупаа еднокатните згради и земјоделските објекти во некои села. Снег и студ има и во Грција.