Средношколци од Тетово собираа пари и го реновираа детското одделението во тетовската болница
8 ученици од средните училишта од Тетово како волонтери во Проектот за хумани вредности во рамките на Црвен Крст, го реновираа одделот за Педијатрија во клиничката болница во Тетово. Тие организираа неколку активности и собрале финансиски средства кои ги користеле за реновирање на делови на овој оддел. Групата се состои од ученици од средното економско и медицинското училиште.
„Тука сме за да видиме што сме направиле со учениците кои се активисти во Црвен Крст и работат за реализирање на идеите и проектите. ПЕАВ проектите се проекти кои промовираат хуманитарни вредности и моментално се спроведува во цела Македонија каде се ангажирано над 1200 млади кои реализираат над илјада проекти и се собираат средства. И во Тетово имаме 30 ученици од албанските одделенија и 30 од македонските одделенија поделени се во 4 групи каде има разни активности кои ги реализираат учениците“, изјави Ливета Латифи, професорка.
Волонтерите на Црвен Крст велат дека оваа инвестиција е овозможена преку разни активности. Според нив целта била тие да соберат што повеќе средства за да ги донираат во овој оддел.
„Ние сме четири групи. Нашата група е фокусирана во одделот за Педијатрија и цртавме по ѕидовите. Исто така дониравме две ваги, една мала и една голема и 5 инхалатори“, вели Ринора Јусуфи.
„Се што гледате овде, парите се собрани од активности, имавме локал во центар но имавме и донатори и ова е резултатот“, вели Бесник Мустафи.
Во организацијата на Црвениот крст во Тетово, 30 средношколци поделени во групи се вклучија како волонтери во Проектот за хумани вредности кои и помагаат на заедницата. Во текот на саботата една од групите организираше акција за собирање средства за семејство со социјално загрозен статус од село Сиричино.
