Сорос ја предаде својата империја на синот: „Јас сум повеќе вклучен во политиката“
Американскиот милијардер Џорџ Сорос (92) му го предаде раководството на својата Фондација Отворено општество (ОСФ) на својот син Александар Сорос, објави „Гардијан“.
Џорџ Сорос, кој заработи милијарда долари „обложувајќи се“ против британската фунта, претходно изјави дека не сака неговата фондација да ја преземе ниту едно од неговите пет деца.
Сепак, тој го назначи Александар за директор на една од најбогатите филантропски фондации во светот.
„Тој тоа го заслужи“, изјави Сорос, чие богатство се проценува на 6,7 милијарди долари.
37-годишниот Александар, кој беше ангажиран во ОСФ уште во декември, во интервју за „Волстрит журнал“ рече дека е „повеќе вклучен во политиката“ од неговиот татко и дека планира да продолжи да донира семејни пари на левичарските кандидати во САД.
Неговиот татко е еден од најголемите донатори на демократските кандидати во американската политика.
Александар, кој твитна фотографија со американскиот потпретседател Камала Харис претходно оваа недела, сега води политичка кампања како претседател на политичкиот комитет на неговиот татко.
Фондацијата, каде Александар ја извршуваше функцијата потпретседател од 2017 година, насочува околу 1,5 милијарди долари годишно на групи кои ги поддржуваат човековите права и градењето демократија.
