Снајперисти и 300 специјалци ги чуваат фудбалерите на Израел во Приштина!
Израелските фудбалери и останатите членови на делегацијата се чувани од силни полициски сили, а еден ксоовски навивач е приведен поради објава против Израел на социјалните мрежи. Причина за ова е стравот од терористички напад поради војната која Израелците во моментов ја водат против Палестинците во Појасот Газа.
„Се очекуваат околу 300 полицајци и припадници на специјалните единици. Снајперисти ќе бидат поставени на покривите на куќите во близина на стадионот. Патроли, полицајци со кучиња, тие се насекаде околу хотелот 24 часа на ден и секој гостин поминува низ високо обезбедување мерки“, наведува израелските медиуми.
Вечерва беше одржана прес-конференција на која се појавија селекторот и капитенот на Косово, Ведат Муриќи, кој изјави дека не се чувствува притисок, но дека не ги разбира постапките на Израел.
„На нашиот аеродром во Косово има израелски полицајци кои дојдоа специјално да нѐ проверат. Ќе играме фудбал, а не војна. Ова е чудно, ова не се случило досега. Ова е скандалозно! Што прават тие кај нас“, прашува Муриќи.
Израел во моментов е трет на табелата со 11 бодови, пет помалку од лидерот Романија и четири од второпласираната Швајцарија. Сепак, Романците имаат два, а Швајцарците еден меч повеќе од Израел. Косово е четврто со седум бода.
