Словачка им враќа пари на луѓето казнети за време на коронавирус
Словачка им враќа пари на луѓето кои биле казнети за време на пандемијата на коронавирус, објави агенцијата Франс прес.
За таа цел земјава создава фонд со капитал од над 3 милиони евра. Овие средства ќе бидат искористени за обештетување на лицата кои не ги почитувале епидемиолошките мерки воведени за време на пандемијата на коронавирус.
Словачкиот парламент со 78 гласа „за“ и 66 гласа „за“ го одобри нацртот на релевантната легислатива, која ќе стапи на сила на 1 мај.
За време на пандемијата на коронавирус, неносењето маска или прекршувањето на полицискиот час резултираше со казни од илјадници евра.
Оние кои се казнети ќе можат да поднесат барање за исплата на обештетувањето до 31 октомври, а мора да достават документ дека се казнети или да потпишат изјава.
Во Долна Австрија, австриска покраина соседна Словачка, екстремната десница, со поддршка на конзервативците, исто така создаде сличен фонд со капитал од 31,3 милиони евра, кој ќе ги обештети луѓето кои се сметаат за жртви на вакцинација. На медицинските лица кои во тој момент биле предмет на вакцинација, нема да им се плаќа надоместок.
