Скопје утрово „шампион“ по загаденост во Европа: На светската листа на 21. место, Владата со препораки за ослободување од работа
Главниот град на Северна Македонија утрово се разбуди како најзагадена метропола на европскиот континент. Според податоците на светскиот сервис за следење на квалитетот на воздухот „Ај-кју ер“ (IQAir), Скопје се најде на 21. место во светот, оставајќи ги зад себе сите други европски главни градови.
Според мерењата во 09:00 часот, индексот на загаденост изнесуваше 95. Иако ова технички спаѓа во категоријата на „средна загаденост“, тоа беше доволно Скопје да избие на врвот на неславната европска листа.
Веднаш зад македонската престолнина, од европските градови се рангирани Амстердам, Сараево и Белград. На глобално ниво, ситуацијата е најдраматична во Азија – најотровен воздух дишат жителите на Лахор (Пакистан), Делхи (Индија) и Карачи (Пакистан).
Поради влошената состојба со квалитетот на амбиенталниот воздух, Министерството за животна средина и просторно планирање издаде итни препораки кои веќе се на сила.
Се препорачува работодавците да ги ослободат од работни обврски следните категории на граѓани:
За работниците кои своите обврски мораат да ги извршуваат на отворено, препораката е работното време да се реорганизира, односно смените да се поместат во интервалот од 11:00 до 17:00 часот, кога загадувањето е вообичаено помало.
Паралелно со мерките за граѓаните, Министерството најави и засилена контрола врз загадувачите. Издадена е препорака за интензивирање на вонредните инспекциски надзори на:
