СИMУЛИРАЛ ПУКАЊЕ И БРКАЛ ДЕЦА: Деветгодишно дете во Белград имало листа за отстрел
Деветгодишно дете во српската престолнина Белград имало листа за отстрел.
Во полиција е пријавено дека ученик од основното училиште „Десанка Максимовиќ“ во Белград направил список на ученици кои наводно сакал да ги убие, потврдија за Б92.нет од Министерството за внатрешни работи на Србија.
Пријавата е примена денеска околу 10 часот, а полицијата ги истражува наводите на училиштето. Помошникот директор на основното училиште „Десанка Максимовиќ“ се јавил во белградска полиција и пријавил дека подолг период има проблем со ученик од трето одделение. Тој објаснил дека пред извесно време, кога момчето дошло на училиште, симулирало пукање во обезбедувањето и дека после тоа ги бркал децата од пониските одделенија во дворот. После тоа, тој отишол на час и направил список на сите ученици што сакал да ги убие. За сѐ е информиран и Центарот за социјална работа, но одговор засега нема. Мајката на момчето, кое има само девет години, рекла дека тоа е само „дел од неговата игра и дека е добро дете“. Вчера во Белград момче уби 9 лица во училиште и рани 6 други. Во Обреновац деца мафтале со пластични пиштоли, по што се уапсени.
Бивша ученичка избола ученик и наставничка денеска во Белград.
foto profimedia
