Силјановска-Давкова најави победа во Гостивар
„Политиката мора да биде во границите на правото, а не обратно правото да им биде потчинето на политичарите“ рече кандидатка за претседател, Гордана Силјановска Давкова во обраќањето на митингот во Гостивар.
Таа вели дека ќе делегира стручни судии со интегритет во Уставниот суд, дипломатијата и безбедносните служби.
Ги критикуваше и одлуките на актуелниот претседател и кандидат за нов мандат.
„Кој не знае, не може да биде во политиката, бидејќи тогаш ќе презема потези и ќе носи одлуки како онаа кога си го потпиша указот за измените на Кривичниот законик, а деновиве кога точно тој закон ја персонифицира, го персонифицира значи хибридниот режим, циклистичниот хибриден режим, јасно е за што станува збор“, речe Силјановска Давкова.
Давкова напоменува дека тоа што е далеку од европски стандард, неуставно, незаконски и не се спречува, тогаш тоа е стимулирањето на криминалот и корупцијата. Според неа, секогаш кога некој молчел, а не смеел да молчи туку требало да биде гласен, затоа што се кршеле македонските и државни национални интереси.
Кандидатката најави и победа.
„Оваа власт е целосно делегитимирана затоа што наместо да ги остварува интересите на граѓаните, наместо да дава одговори соодветни на нивните прашања таа ги трупа прашањата, затоа што потребите интересите за добро здравство, образование, социјална заштита, правна држава независно судство, борба со корупција сè што е копенхашки критериум не остварила. И што сакаат сега повторно, мене не ми е јасно“, рече Силјановска-Давкова.
