Штип: „Пожарникарите ми рекоа дека не излегуваат ако не е мој оџакот“ – Две жени завршија на Токсикологија

Две жени од Штип се итно префрлени на Клиничкиот центар во Скопје по труење со чад во пожар, но она што ја вознемири јавноста е сведоштвото кое пристигна до редакцијата на 4news.mk. Според очевидец, службите одбиле да реагираат на пријава за пожар бидејќи повикот не бил од сопствениците на станот.

Штипската противпожарна единица имала полни раце работа во текот на вчерашниот ден со два одделни пожари на оџаци, од кои едниот заврши со тешки последици по здравјето на станарите.

Додека пламените јазици голтале имот, а чадот ги гушел станарите, граѓанин кој го забележал пожарот од својот балкон тврди дека се соочил со апсурден бирократски одговор.

Ова сведоштво отвора сериозни прашања за протоколите за итни интервенции – дали е можно да се чека пријава од сопственик додека луѓе се во опасност од задушување?

Првиот и покобен пожар избувнал рано изутринава, околу 06:00 часот, на улицата „9 Мај“.

Огнот бил толку силен што зафатил и соседен стан, сопственост на 61-годишен штипјанец.

Истиот ден, околу 18:30 часот, избувнал втор пожар во зграда на булеварот „ЈНА“. Овде огнот од оџакот се проширил низ вертикалата, зафаќајќи делови од становите од првиот до петтиот кат. За среќа, во овој инцидент нема повредени лица, а пожарот бил изгаснат од екипите на ТППЕ Штип.

Полицијата извршила увид и за двата настани, а известен е и Јавен обвинител. Останува да се види дали ќе има истрага и за наводите за ненавремена реакција на службите по повиците на вознемирените соседи.