СЕВЕРНА КОРЕЈА ПУШТИ МИСТЕРИОЗНА БАЛИСТИЧКА РАКЕТА! Паника во Пацификот, Јапонија и јужните соседи итно реагираа!
Ракетата била лансирана кон морето во близина на источниот брег на Северна Кореја, објави началникот на здружениот генералштаб на Јужна Кореја.
Северна Кореја истрела неидентификувана балистичка ракета во неделата, соопштија јапонската крајбрежна стража и војската на Јужна Кореја, додека Пјонгјанг го осуди „покажувањето на воена сила од страна на САД, што го гледа како проба за нуклеарна војна“.
Ракетата била лансирана кон морето во близина на источниот брег на Северна Кореја, објави началникот на здружениот генералштаб на Јужна Кореја. Околу 20 минути откако првично го пријави лансирањето, јапонската крајбрежна стража соопшти дека проектилот веќе паднал. Помалку од половина час по лансирањето, севернокорејските државни медиуми пренесоа соопштение од Министерството за одбрана во кое се критикуваат воените единици во САД и Јужна Кореја за зголемување на тензиите, покажување сила и планирање нуклеарна војна, пишува Ројтерс.
Неименуван портпарол на министерството во соопштение изјави дека американската подморница на нуклеарен погон УСС Мисури пристигнала во јужнокорејскиот пристанишен град Бусан во неделата. „Вооружените сили на Северна Кореја темелно ќе го неутрализираат обидот на САД и нивните вазални сили да започнат нуклеарна војна и на тој начин да ги загрозат мирот и безбедноста на Корејскиот полуостров“, се вели во соопштението на Северна Кореја.
