СЕ ЗАМРЗНУВААТ МАРЖИТЕ: Ќе има поевтина храна за граѓаните
Од утре се замрзнуваат маржите на основните прехранбени производи. Во следните денови ќе има поевтинување на дел од намирниците.
Стапува на сила владината одлука за ограничување на маржите до 10 отсто на повеќе од 70 производи. На рафтовите и фрижидерите каде стојат овие производи, трговците мора да стават етикети со натпис „помалку трошоци, повеќе за тебе“.
Со есенската кошничка се опфатени брашното, лебот и пекарските производи, тестенините, оризот, зејтинот, месото, млечните производи, јајцата, овошјето и зеленчукот, теглите со ајвар, шеќерот, млечното чоколадо, повеќе видови зачини и меленото кафе.
Мерката ќе биде на сила до крајот на октомври и според очекувањата треба да ги намали трошоците за храна во просек за околу 10 отсто.
По примерот на есенската кошница, ќе се прави и новогодишна, божиќна, рамазанска и велигденска кошница.
foto freepik.com
