Се враќаат седум пациенти од странство, 48 остануваат на лекување надвор од државата

Министерството за здравство информира дека денес се очекува враќање на седум пациенти кои се лекуваа во странски медицински центри во Виена, Анкара, Мадрид, Варшава, Марибор, Атина и Солун. Со ова, бројот на пациенти кои остануваат на лекување во странство ќе се намали на 48.

Состојбата на пациентите кои сè уште се третираат во странство, вклучително и критичните случаи, останува непроменета.

Во домашните болници моментално се лекуваат седум пациенти: четворица на Хируршката клиника „Св. Наум Охридски“, еден на Клиниката за пластична хирургија и двајца во приватната болница „Систина“.

Министерството потенцира дека и понатаму внимателно ја следи здравствената состојба на повредените пациенти, со цел обезбедување најдобар можен третман и рехабилитација.