СЕ ЧУВСТВУВАЛ ОТФРЛЕН И БИЛ ОСАМЕН ЗА ВРЕМЕ НА ПАУЗИТЕ, САКАЛ ДА ЈА БАРА МАЈКА МУ – Новости открива што точно кажал Коста

Пред да одам на училиште, сакав да и се јавам на мајка ми! Сакав да и кажам што ми се случува, да и се пожалам. Потоа се откажав од тоа.

Вака во истрагата изјави Коста К., кој го изврши масакрот во ОУ „Владислав Рибникар“, ученик од VII-2 одделение. Тој спомна дека се чувствувал отфрлен од класот и дека бил осамен за време на паузите помеѓу часовите, па дури и на екскурзии. Очигледно децата го игнорирале.

Дали тоа бил мотивот со истрели од пиштол „ЦЗ 99“ да убие осум негови соученици и обезбедување, завчера во основното училиште „Владислав Рибникар“ во кое учел, сега се истражува. Во крвавиот поход на ова момче беа ранети шест ученици и еден професор по историја.

Неговиот татко, угледниот радиолог Владимир К., е уапсен, а неговата мајка Миљана извесно време поминала со момчето во психијатриската болница „Д-р Лаза Лазаревиќ“. Сторителот на страшното крвопролевање се уште е во оваа институција, во специјално одделение.

Претходно му беше направена анализа на крвта на Одделот за токсикологија на Воено-медицинската академија (ВМА) во Белград. Наодите покажале дека тој бил негативен на психоактивни супстанци, дрога и алкохол. Тоа значи дека тој во моментот на делото не бил под дејство на наркотици или други опијати.

– Како што рече, инспирацијата за криминалот ја нашол во игрите – вели нашиот извор од истрагата. – Беше вмрежен со момчиња на негова возраст, но и постари, во затворени групи на одредени платформи и крипто групи. Таму заедно играа игри со пукање, но и разменувале информации за оружјето и за наоружувањето воопшто. 

На зачуденост на луѓето кои разговарале со него по злосторството, Коста изјавил и дека неговиот омилен филм е хорор филмот „Purge“, што во превод значи „Чистка“.

– Станува збор за филмска приказна каде имагинарна американска влада носи закон според кој еден ден во годината е ден на беззаконие, односно може да се прават злосторства кои минуваат неказнето – вели нашиот соговорник. – Коста во ниту еден момент не покажал дека му е жал за убиените соученици или обезбедувачот, со кој имал добри и блиски односи.

Се сомнева дека подготовката на делото траела подолго од еден месец. Ракувањето со ваков пиштол не е лесно и бара вештина. Не се работи само за гаѓање во стрелиште, туку и за вежбање гаѓање во „практично пукање“.

За време на крвавиот пир, кој започна завчера наутро околу 8:30 часот, момчето прво го убило обезбедувачот Драган Влаховиќ, а потоа и три девојчиња, кои биле дежурни и стоеле во ходникот – Ана Божовиќ, Бојана Ацовиќ и Софија Негиќ. . Во текот на истрагата во холот биле избројани 17 чаури со калибар од девет милиметри.

По десет метри, како што било утврдено, Коста К. ја заменил празната рамка во пиштолот и влетал во училницата каде што неговиот клас имал час по историја, на кој самиот требало да присуствува. Гледајќи го пиштолот во раката, наставничката Татјана Стевановиќ тргнала кон него. Ученикот пукал и ја пгодил во стомакот и двете раце.

Потоа се свртел кон другарите кои преплашено врескале и се криеле под клупите и пукал. Адријана Дукиќ, Катарина Мартиновиќ, Мара Анѓелковиќ, Ема Кобиљски и Андрија Чикиќ останале мртви на лице место. Во училницата, при увид, полицијата пронашла четириесетина чаури.

За време на крвавиот пир, повредени се Андреј Батиќ, Хелена Комненовиќ, Јован Димитријевиќ, Вељко Милошевиќ, наставничката Татјана Стевановиќ, момчето В.П.(во тешка состојба во Ургентен центар) и девојчето А.А., кое било најтешко повредено и лекарите во болницата во Тиршова се уште се борат за нејзиниот живот.

По масакрот, Коста К. за момент застанал, а потоа излегол во училишниот двор, од каде на мобилниот телефон повикал полиција и пријавил што направил. На прашањето зошто го направил тоа, тој отворено му рекол на полицискиот диспечер:

– Јас сум психопат.

За време на пукањето завладеала голема паника, па наставниците се обиделе да ги заштитат учениците затворајќи ги во училницата, а некои спасот го барале скокајќи низ прозорецот. Во ранецот со кој Коста К. дошол на училиште, покрај резервниот пиштол, полицијата пронашла и четири молотови коктели.

Извор: Новости