Саутемптон има план како да го купи Миовски – ќе го ангажира клучниот човек од Абердин
Миовски и Дук сезонава заедно дадоа 36 гола, по 18 секој и се најдобриот тандем што славниот шкотски тим го имал во последните 30 години. Очекувано Абердин не сака да ги продаде, ама прашањето е дали ќе може да одолее на богати понуди за вој напаѓачки двоец, а Саутемптон е ептен загреан за двајцата да ги донесе и во нивата сезона во Чемпионшип експресно да обезбедат кам-бек во најсилната англиска конкуренција.
Планот на „светците“ е ангажман на Дарен Маубреј, првиот човек на скаутската служба на Абердин и главниот виновник за ангажманот на Миовски од МТК за 625.000 евра, како и на Дук, екс-младинец на Спортинг Лисабон и младински португалски репрезентативец. За Дук наводно Барнли и Евертон ептен се загреани, ама Саутемптон се надеваат дека токму ангажманот на шефот на скаутската служба на Абердин, ќе ја одигра клучната улога за да ги донесе Миовски и Португалецот во нивниот клуб.
Инаку скаути на Саутемптон во последно време постојано се на мечевите на Абердин пред сѐ за да го следат Миовски, а во пакет со него и Дук.
