Салах е чудо – прв играч во историјата на Премиер лигата што во две сезони учествувал во 40 гола

По првото полувреме, „црвените“ водеа со 2-0, а во двата гола учествуваше најдобриот стрелец во англиското првенство. Во 14. минута го отвори резултатот на додавање на Собослаи, а во 37. минута му врати на Унгарецот со асистенција.

Со тоа, Салах стигна до бројки од 25 гола и 16 асистенции оваа сезона во Премиер лигата, а со тоа го запиша своето име во историјата на ова натпреварување. Египќанецот стана прв играч во историјата на Премиер лигата кој во две сезони учествивал во постигнувањето на 40 или повеќе голови.

Првиот пат тоа му успеа во сезоната 2017/18 кога постигна 32 гола и 10 асистенции, а сега може да го подобри тоа достигнување бидејќи до крајот на првенството има уште 11 кола. Со денешниот гол, Салах стигна до 183 во Премиер лигата и сега му недостасува само уште еден за да влезе меѓу петте најдобри стрелци во историјата бидејќи Серхио Агуеро има 184.