Руската репрезентација и граѓаните на Москва даруваат крв за ранетите од масакрот!
Најмалку 115 лица загинаа во терористичкиот напад во концертната сала „Крокус сити хол“ во близина на Москва, додека најмалку 125 лица се ранети, а токму затоа руските фудбалери ќе направат џентлменски гест.
Имено, фудбалската репрезентација на Русија ќе дарува крв за жртвите од терористичкиот напад во Москва, изјавија за „РИА Новости“ претставници на ФМБА.
Фудбалерите на Русија во понеделник требаше да одиграат пријателски натпревар против Парагвај, но тој беше одложен поради терористичкиот напад.
„По терористичкиот напад што се случи во Красногорск, Фудбалската федерација на Руската Федерација и Фудбалскиот сојуз на Парагвај донесоа одлука за откажување на пријателскиот натпревар“, беше објавено на Телеграм каналот на Руската Федерација со порака дека исто така беше одлучено натпреварот да се игра во друго време.
