РУСКАТА НАФТА УСПЕШНО ГИ ЗАОБИКОЛУВА ЕВРОПСКИТЕ РЕСТРИКЦИИ- таа и понатаму стигнува во Европа, и тоа во огромни количини

Нафтата лесно може да се меша со други пратки во транзитните земји, со што се создаваат пратки на кои потоа е особено тешко да им се одреди земјата на потекло.

– Зависноста на ЕУ од руската нафта и гас е минато – тврди претседателката на Европската комисија, Урсула фон дер Лајен.

Сепак, украинските власти и енергетските бизнисмени веруваат дека големи количини руски енергетски производи, особено нафта, продолжуваат да се слеваат во Европа, која „ја финансира воената машина на рускиот претседател Владимир Путин“.

Како што пишува „Политико“, посредниците од ЕУ купуваат руска сурова нафта и ја транспортираат во Европа по заобиколен пат.

– Еден пријател од Њујорк ми се пожали дека бубашвабите секогаш наоѓаат дупка за да влезат во неговиот стан, токму тоа го прави Русија со своите извори на енергија. Европа мора да ги затвори тие дупки и да ја спречи Русија да ја финансира својата воена машина со крвави пари што ја уништува нашата земја и го убива нашиот народ – изјави за бриселскиот портал Олех Устенко, економски советник на украинскиот претседател Володимир Зеленски.

Нафтата лесно може да се меша со други пратки во транзитните земји, па се создаваат пратки на кои потоа е особено тешко им се одреди потеклото, а процесот на преработка, неопходен за секоја практична примена, ги отстранува трагите од примарните суровини, наведува Политико.

Large volumes of Russian crude oil are still being shipped onto global markets.

Experts suspect they are finding their way to Europe’s market through the back door.https://t.co/Gc1P6HA3tD

— POLITICOEurope (@POLITICOEurope) March 22, 2023

Од друга страна, бродовите пловат под различни знамиња и воопшто не придонесуваат за транспарентност: некои морнари се обвинети дека на различни начини „и помагале на Русија да ја скрие земјата на потекло на извезените суровини“.

Европската унија, инаку, го забрани увозот на руски фосилни горива од почетокот на војната во Украина, што беше во февруари 2022 година, со одредени исклучоци: ограничени количини сурова нафта, гас и течен природен гас (ЛНГ) како и нафтени продукти.

Сепак, големи количини руска сурова нафта, која е многу поголем извор на приходи од бизнисот со гас, сè уште се испорачуваат на светските пазари, при што некои експерти мислат дека овие количини влегуваат во Европа преку „задната врата“, пишува порталот. 

– Од воведувањето на санкциите, количините на сурова нафта што ги извезува Русија се главно стабилни. Можно е руската нафта се уште да се продава во ЕУ и западните земји преку посредници – вели Сад Рахим, водечки економист на трговската компанија Трафигура.

Еден потенцијален пат е Азербејџан, кој се граничи со Русија и е почетна точка на гасоводот Баку-Тбилиси-Чејхан (БТЦ) управуван од БП. Пристаништето Џејхан, во Турција, е главен центар од кој се испраќа сурова нафта во Европа, а Џејхан добива и големи количини нафта од Ирак преку нафтоводот Киркук-Џејхан.

Фото: Принтскрин/Твитер