Руска нафта е запленета во Албанија?
Во албанскиот град Драч е запленет танкер поради сомнеж дека носел руска нафта.
Станува збор за танкер со 22.500 тони нафта. Полицијата го уапси екипажот од 22 лица поради кршење на западното ембарго. Како што објави Ројтерс, танкерот за нафта и хемикалии е регистриран во Либерија, а запленет е во Драч.
„Од почетокот на истрагата се сомнева дека пратката нафта потекнува од држави кои се под нафтено ембарго, особено од Русија. Танкерот испловил од Азербејџан, а наводно бил претоварен со нафта од друг танкер во грчкото пристаниште Каламата“, се наведува во соопштението на албанската полиција.
Ројтерс потсетува дека Албанија е една од првите земји кои ѝ воведоа санкции на Русија поради инвазијата на Украина. Eвропската Унија (ЕУ) воведе повеќе сетови на санкции против Русија. Војната во Украина почна на 24 февруари лани.
foto EPA
