Русија со двојно поголем воен буџет во 2023
Русија ги репрограмира воените трошоци за 2023 година на повеќе од 100 милијарди долари – една третина од сите јавни расходи – покажува владиниот документ што го виде Ројтерс.
Воените трошоци во првите шест месеци од 2023 година изнесуваат 5,59 трилиони рубљи, што е 37,3 отсто од вкупните 14,97 трилиони рубљи инвестирани во тој период, покажува документот.
Руската влада и министерството за финансии не одговорија на барањата за коментар за бројките.
Документот објави нова проценка на годишните трошоци за одбрана од 9,7 трилиони рубљи, третина од вкупната целна потрошувачка од 29,05 трилиони рубљи, и која би била најголем удел барем во последната деценија.
Помеѓу 2011 и 2022 година, Русија потрошила минимум 13,9 отсто, а најмногу 23 отсто од својот буџет за војската.
Русија веќе потрошила 57,4 отсто од својот нов годишен воен буџет, покажува документот.
Военото производство доведе до силно закрепнување на индустриското производство, а аналитичарите велат дека државните воени договори биле клучен двигател на економското закрепнување на Русија кон растот на БДП.
Вицепремиерот Денис Мантуров во јули изјави дека воената индустрија сега произведува повеќе муниција секој месец отколку во целата 2022 година.
