Русија го ограничува извозот на бензин и дизел: Приоритет е намалување на цените на горивата
Руската влада воведе привремени ограничувања на извозот на бензин и дизел гориво за возила со цел да се стабилизираат цените на горивата на домашниот пазар.
– Привремените ограничувања ќе помогнат да се засити пазарот на гориво, што ќе ги намали цените за потрошувачите – објаснија од Кабинетот на министри на Руската Федерација, пренесува „Блиц.рс“.
Претходно руската влада ги зголеми стандардите за снабдување со бензин и дизел на берзата со цел да се стабилизира состојбата на пазарот и цените на горивата. Воведоа и секојдневно следење на набавката на гориво за потребите на земјоделските производители, како и оперативно усогласување на количините.
Претходно беше објавено дека руската влада е подготвена да преземе драстични мерки на пазарот на гориво поради рекордното зголемување на големопродажните цени.
Руските бензински пумпи трет месец губат пари поради поскапувањето на горивата. Пред тоа, за прв пат во историјата на Русија, менувачката цена на бензинот АИ-95 се искачи над 76.000 рубли (околу 790 долари) за тон.
