Руанда и воени злосторства: Францускиот суд осуди поранешен лекар за неговата улога во геноцидот во 1994 година
Судот во Франција осуди поранешен лекар во Руанда на затвор за неговата вмешаност во геноцидот во 1994 година во оваа источноафриканска земја.
Состен Муњемани беше прогласен за виновен за кривични дела и осуден на 24 години затвор.
Тој е обвинет за организирање тортура и убиства во кои загинаа 800.000 луѓе во периодот од април до јуни 1994 година.
На француските обвинители им беа потребни 28 години да го изнесат случајот пред суд.
Во 1994 година, Муњемени беше гинеколог во Бутаре, јужна Руанда, и беше обвинет дека помагал да се постават блокади на патиштата каде што се собирале луѓето, како и дека ги држел во нехумани услови во канцелариите на локалната власт, пред да бидат убиени.
Тој е обвинет и за изготвување на писмо во кое го охрабрува масакрот на Тутси, за кое обвинителите тврдеа дека се користи како оправдување за идни напади.
Повеќето од убиените во геноцидот беа припадници на малцинската етничка група Тутси и противници на екстремистичката влада на Хуту.
Мунџемани, кој се преселил во Франција во 1994 година, постојано ги оспоруваше обвиненијата за време на судењето, тврдејќи дека тој бил умерен член на владата на Хуту кој се обидел да ги спаси Тутсите нудејќи им засолниште во канцелариите на локалната власт.
Судењето во Париз траеше шест недели, обвинителот побара казна од 30 години затвор.
Читајќи ја пресудата, судијата рече дека Муњемани бил дел од групата која „секојдневно го подготвувала, организирала и управувала геноцидот врз Тутсите“.
